Onki úrslit

Bilbreyt

Yrkisrættað nám

Bilbreyt

Bilsmiðútbúgvingin er ein sera breið, spennandi og avbjóðandi útbúgving. Breið, tí alskyns tøkni er samla í einum akfari. Spennnandi, tí tøkniliga verður tú væl ílætin og fer at kenna tøknina aftur, bæði á sjógvi og á landi. Avbjóðandi, tí tú lærir nógva ymiska tøkni, og ikki minst, tí tøknin mennist alsamt.

Í útbúgvingini sum bilsmiður fært tú gjøgnum skúlagongd og verkliga læru vitan og førleikar innan eitt nú eftirlit, viðlíkahald og umvæling av persón- og vørubilum undir 3.500 kilo.

Útbúgvingarlongd: 4 ár
Skúlagongd: Føroyar
Upptøkukrav: Skal hava fylgt undirvísingini til fráfaringarroynd fólkaskúlans (9.flokk)
Eftir lokna útbúgving: Sveinabræv

Tú fært meira at vita um útbúgvingina við at lesa bilkunngerðina her

Eisini ert tú vælkomin at venda tær til lestrarvegleiðing skúlans á lv@glasir.fo.

Tú kanst byrja á bilbreytini við ella uttan lærupláss

Her greiðir Eliesar frá um útbúgvingina:

Hvat kan eg læra?

Útbúgvingarkunngerðin fyri bilsmiðútbúgvingina sigur, at førleikarnir lærlingurin skal hava ognað sær við útbúgvingarlok, eru hesir:

1)     At greiða úr hondum arbeiði við støði í galdandi reglum um trygd, arbeiðsumhvørvi og góðskuábyrgd,

2)     at umvæla og viðlíkahalda við at nýta handbøkur og elektroniskar leitimiðlar,

3)     at greiða úr hondum tær vanligu arbeiðsuppgávurnar í samstarvi við starvsfelagar og vera við til at menna dygdina og framleidni, umframt at tryggja eitt gott rakstrarúrslit á verkstaðnum og veita góða tænastu til viðskiftafólkið,

4)     at greiða úr hondum eftirlit, kanna brek, umvæla og viðlíkahalda bremsuskipan við tilhoyrandi stýriskipanum,

5)     at greiða úr hondum eftirlit, kanna brek, umvæla og viðlíkahalda ravmagnsskipan og startara,

6)     at greiða úr hondum eftirlit, kanna brek, umvæla og viðlíkahalda róðurgreiðurnar og undirvognin við tilhoyrandi stýriskipanum,

7)     at greiða úr hondum eftirlit, kanna brek, umvæla og viðlíkahalda transmissiónina,

8)     at greiða úr hondum eftirlit, kanna brek, umvæla og viðlíkahalda ljós- og viskaraskipanina,

9)     at greiða úr hondum eftirlit, kanna brek, umvæla og viðlíkahalda mekaniska bygnaðin á bensin- og dieselmotorum,

10)   at greiða úr hondum eftirlit, kanna brek, umvæla og viðlíkahalda motorstýringarskipanir á bensin- og dieselmotorum,

11)   at greiða úr hondum eftirlit, kanna brek, umvæla og viðlíkahalda køli- og klimaskipanina,

12)   at greiða úr hondum eftirlit og gera persónbilar sýnsklárar,

13)   at kanna brek og umvæla trygdar- og hentleikaútbúnaðin,

14)   at kanna brek og umvæla ravmagnsskipanina, tað veri seg við støði í breiðari vitan um talgildu og samgildu ravtøknina og mátiteknik, undir hesum vitan um orkubroytara, samgilda til talgilda broyting, bygnað av tólbúnaði við bus, CPU, tólmenni og I/O-eindum, harumframt vitan um tey serstøku aðalkrøvini og leiðbeiningar fyri dátusamskifti, ið knýtir seg til CAN bus, og

15)   at greiða frá vitan um tøkniliga menning og nýskapan við tí fyri eyga at minka um ávirkanina á umhvørvi, t.d. menning av ravtøknibilum, motortøkni, róðurgreiðir, brennievni, transmissión og brennikyknutøkni.

Harafturat skal næmingurin duga at handfara sveisi- og skeriamboð vandaleyst og hava innlit í at valsa, bukka, skarra og klippa tunnplátur og rætta upp buglur. Næmingurin skal eisini hava innlit í skrokkbygnaðin.

Kravdar lærugreinar og vallærugreinar
Námsskipan

Les meira um námskipanina her.

Video: Youtube-rásin hjá bil-breytini á Glasi

 

 

 

Á Youtube-rásini ‘Glasir Bilsmiðir’ eru fleiri videobrot um alt frá at skifta bremsuskivar til at stilla billyktir. Síggj fleiri videobrot her

{{employee.title}}
{{employee.initials}}
{{employee.job_title}}
Útbúgving {{employee.education}}

Lærugreinar

Samband