Búskaparbreyt
Á búskparbreytini verður dentur lagdur á vinnulig, búskaparlig og samfelagslig evni. Tú fært innlit í roknskap, marknaðarføring, samfelagsbúskap, og hvussu tú fert undir egið virki. Undirvísingin viðger aktuel evni og spurningar, sum hava við samfelag og vinnulív at gera. Samstundis verða samfelagslig viðurskifti í størri høpi viðgjørd, t.d.: Hvussu kann tilfeingi nýtast burðardygt? Hvussu hongur globaliseraði heimurin saman? Hvussu ávirka broytingartíðir vinnulív og vinnumøguleikar?
Virkisbúskapur, sølubúskapur, vinnurættur og altjóða búskapur eru millum tær merkantilu lærugreinirnar, sum eyðkenna breytina. Búskaparbreytin gevur tær góðar møguleikar at seta saman tína egnu útbúgving. Við at sameina handilsskap við lærugreinar, sum tú velur, gevur búskaparbreytin møguleika fyri víðari lestri á flestu hægri útbúgvingum.
Leiðir á búskaparbreytini
Á búskaparbreytini eru fýra leiðir (B1-B4). Leiðirnar eru nevndar eftir teimum A-stigum (og onkuntíð B-stigum), sum eyðkenna leiðina. Á myndini niðanfyri er eitt einfalt dømi um, hvussu leiðin B1 er skipað:
Í teimum fýra køssunum niðanfyri fært tú meira gjølla útgreinað yvirlit yvir tær lærugreinar og teir valmøguleikar, sum tú hevur á leiðunum á búskaparbreytini.
Hetta skalt tú vita og hugsa um, tá ið tú velir leið á búskaparbreytini:
Á B1, B3 og B4 skalt tú velja eina lærugrein úr lærugreinavali 1 (sí lista niðast). Á B2 skal tú velja eitt fremmandamál B umframt lærugrein úr lærugreinaval 1.
Tú ert altíð vælkomin at venda tær til næmingatænastuna við spurningum um útbúgvingarnar á Glasi. Tú kanst senda teldupost til lv@glasir.fo ella venda tær til ein av lestrarvegleiðarunum í yvirlitinum her.
Yvirlit yvir leiðina:
Yvirlit yvir leiðina:
Yvirlit yvir leiðina:
Yvirlit yvir leiðina:
Vallærugreinar á búskaparbreytini
B* = framhald av C
A* = framhald av C ella B
A** = tvey-ára gongd – tvey-ára gongd, sum kann veljast 1. árið
Ja, hetta er tann breytin, sum fyrr nevndist HH. Hetta er ein lestrarfyrireikandi, almennandi og yrkisfyrireikandi 3-ára gymnasial miðnámsútbúgving, ið gevur møguleika at halda fram á hægri lærustovnum í Føroyum ella uttanlands, á serstakliga merkantila økinum. Sum studentur á búskaparbreytini kanst tú eisini fáa áhugaverd lærupláss t.d. í banka ella trygging.
