Onki úrslit

Byggifrøði

Hægri nám

Byggifrøði

Byggifrøði er ein professiónsbachelor útbúgving, sum tekur 3½ ár. Útbúgvingin er viðkomandi fyri tann, ið hevur áhuga í at arbeiða við byggi-verkætlanum, og fáa innlit í liðinum/fasunar frá húgskoti til klárt er at byggja.

Útbúgvingin er á sama støði sum tann danska útbúgvingin, sum nevnist Bygningskonstruktør.  Glasir hevur tætt samstarv og eina samstarvsavtalu við VIA University í Horsens, ið tryggjar støði.

Starvsmøguleikar og víðari lestur

Útbúgvingin miðar m.a. ímóti størvum í byggivinnuni, hjá ráðgevandi
arkitektum/verkfrøðingum, í egnum virki, ella t.d. hjá virkjum, ið framleiða/selja byggitilfar.

ella

Framhaldslestur á universiteti ella líknandi. Her vegleiða vit fegin.

Bygnaður
  • 1. hálvár: Sethús í einari hædd
  • 2. hálvár: Sethús í upp til 2½ hædd
  • 3. hálvár: Undanframleiðsla
  • 4. hálvár: Íbúðarbygging í fleiri hæddum
  • 5. hálvár: Endurnýggjan (renovering)
  • 6. hálvár: Praktikk
  • 7. Endalig próvtøkuverkætlan
Samstarv við VIA í Horsens

Møguleiki er fyri framhaldslestri í Danmark (Horsens, Århus og Holstebro). Glasir hevur valt at samstarva við VIA Horsens í sambandi við útbúgvingina, sum í Danmark ber heitið Byggetekniker. Orsøkirnar eru fleiri, fyri tann lesandi merkir hetta fyrst og fremst, at útbúgvingin er góðkend uttan fyri Føroyar, og gevur betri møguleikar í sambandi við víðari lestur.

Upptøka og treytir

Fyri at verða tikin upp á útbúgvingina byggifrøði krevst, at umsøkjarin hevur lokið:

  1. gymnasiala miðnámsútbúgving ella
  2. handverkaraútbúgving – eitt nú húsasmiður, snikkari, múrari ella elektrikari.

Um tú hevur tikið útbúgvingina byggitøkni, ella trý tey fyrstu hálvárini av byggitøkni útbúgvingini, kanst tú søkja um at sleppa beinleiðis inn á 4. lestrarhávlár á byggifrøði útbúgvingini. Les meira á heimasíðuni glasir.fo.

Tilmelding

Nýggjur flokkur verur tikin inn í januar 2023.

Tú kanst melda teg til útbúgvingina her

Hví lesa Byggifrøði

Et tú ein av teimum, sum ynskir at hava ein avgerandi leiklut í byggivinnuni, átti tú at umhugsað at lisið til Byggifrøðing á Glasi, útbúgvingin tekur 3½ ár tilsamans.

Ein byggifrøðingur er sum ein høgguslokkur í sínum arbeiði, tí hann skal virka innan fleiri øki og fáa hesi øki at samstarva. Á einum nýmótans byggiplássi, hava vit arkitektar, verkfrøðingar og arbeiðstakarar (entreprenørar), sum allir hava sínar uppgávur at loysa. Byggifrøðingurin skal stýra og halda kós í hesum spenningsøki og fáa allar partar at samskifta og samstarva.

{{employee.title}}
{{employee.initials}}
{{employee.job_title}}
Útbúgving {{employee.education}}

Lærugreinar

Samband