Onki úrslit

Marknaðarførslubúskapur

Hægri nám

Marknaðarførslubúskapur

Ein yrkisakademisk útbúgvingarleið
Tá ið tú fert at velja útbúgvingarleið eru nógv val. Ein leið er tann yrkisakademiska.Tær yrkisakademisku útbúgvingarnar geva tær amboð og førleikar, sum tú kanst brúka beinleiðis bæði í almennu  og privatu vinnuni. Vit taka støði í ítøkiligum dømum og “casum” úr fyritøkum og feløgum.

Ein partur av útbúgvingini eru tríggir mánaðir i praktikk, har tú ognar tær royndir at arbeiða í einari fyritøku, sum hevur brúk fyri førleikum innan marknaðarførslubúskap. Tað munnu vera fáar fyritøkur, sum ikki hava brúk fyri júst tí.

Ein yrkisakademisk útbúgvingarleið leggur dent á innovatión og entreprenørskap, og fokus er á altjóða viðurskifti. Tað ber til at fara uttanlands í praktikk, og vit arbeiða við eini loysn, so tað fer at bera til at velja at vera lesandi á enskum máli.

Tað tekur tvey ár at lesa marknaðarførslubúskap. Eftir lokið prógv ber til at fara víðari til professiónsbachelor. Tað eru fleiri akademi í Danmark, har tað ber til at lesa professiónsbachelor, sum er normerað til hálvtannað ár.

Vit leggja somuleiðis dent á at samstarva við Fróðskaparsetrið um avriksflutning / meritt millum marknaðarførslubúskap og ta búskaparútbúgving, sum farið verður undir á Setrinum í næstum.

Enska heitið

Enska heitið fyri útbúgvingina er Marketing Management

Tilmelding

Nýggjur flokkur verur tikin inn í august 2023. Umsøgnarfreistin er 1. juni 2023

Tú kanst melda teg til útbúgvingina á várið 2023.

Video: Um útbúgvingina

Hví lesa marknaðarførslubúskap

Um tú til dømis vilt arbeiða við menniskjum í altjóða umhvørvi innan marknaðarførslu, íverksetan, samskifti, búskaparstýring og sølu, er henda útbúgvingin eitt rætt val.Útbúgvingin gevur til dømis førleikar at starvast innan reklamu-, marknaðarførslu-, miðla-, handils- og  farmaflutningsøkið. Annars kann nevnast, at útbúgvingin:

  • gevur beinleiðis vinnuførleikar,
  • gevur beinleiðis atgongd til professiónsbachelor,
  • hevur aðrar møguleikar í sambandi við framhaldandi lestur og
  • er lagað til føroysk viðurskifti.

Útbúgvingin tekur tvey ár og er á vinnuakademi stigi flokkað sum styttri framhaldsútbúgving. Undirvíst verður á føroyskum, men roknast kann við, at bæði danskt og enskt mál verður nýtt í sambandi við lesnað og próvtøkur.

Útbúgvingin gevur 120 ECTS.

Høvuðsevnini á útbúgvingini eru:

Altjóða marknaðarførsla og søla
Búskaparstýring og alheimsbúskapur
Samskifti, fyriskipan og leiðsla
Altjóða vinnulívsrættur

Lærugreinir og bygnaður

Hevur tú lisið marknaðarførslubúskap, so ber til at halda fram við “Altjóða handli og marknaðarførslu”, “Sportsmanagement” ella “Altjóða tænasta/international hospitality management” á akademinum  CPH Business í Keypmannahavn, ið er lærustovnurin, sum Glasir samstarvar við um marknaðarførslubúskap.

Nú er eisini møguligt at lesa PBA í Innovatión og Íverksetan á Glasi á várið 2023.

Ein professiónsbachelor kann halda fram á fleiri ymsum kandidat- og master útbúgvingum bæði í Føroyum, Danmark og uttanlands. Ein møguleiki, ið er væl umtóktur, er cand.soc í jura á Lærda háskúlanum í Keypmannahavn.

Samstarv við CPH Business í Keypmannahavn

Glasir hevur valt at samstarva við CPH Business í Keypmannahavn í sambandi við útbúgvingina, sum í Danmark ber heitið Markedsføringsøkonom. Orsøkirnar eru fleiri, men fyri tann lesandi merkir hettar fyrst og fremst at útbúgvingin er góðkend uttan fyri Føroyar, og gevur betri møguleikar í sambandi við víðari lestur.

Upptøka og treytir

Fyri at verða tikin upp á útbúgvingina í marknaðarførslubúskapi krevst, at umsøkjarin hevur lokið:

  • gymnasiala miðnámsútbúgving, yrkisútbúgving innan handil og skrivstovu ella aðra  viðkomandi yrkisútbúgving.

Harafturat krevst at umsøkjari hevur staðið:

  • enskt á C stigi og antin støddfrøði ella virkisbúskap á B stigi.
    Upptøkutreytirnar verða nærri lýstar í:
  1. Løgtingslóg nr. 49 frá 9. mai 2005, løgtingslóg um stuttar framhaldsútbúgvingar á yrkisskúlum, og í
  2. donsku kunngerðini nr. 248 frá 13. mars 2015, “Bekendtgørelse om adgang til erhvervsakademiuddannelser og professionsbacheloruddannelser” (nærri lýst í skjali 1 til kunngerðina)

Nýggur flokkur í Marknaðurførslubúskap byrjar í august 2023. Umsøgnarfreistin er 1. juni 2023.

{{employee.title}}
{{employee.initials}}
{{employee.job_title}}
Útbúgving {{employee.education}}

Lærugreinar

Samband