Hevur tú uppgivið at læra støddfrøði? Kennist tað, sum grundarlagið hjá tær er ov veikt? So er hetta skeiði júst nakað fyri teg, sum skal byrja á miðnámi.
Endamálið við skeiðinum er at kveikja áhugan fyri støddfrøði hjá næmingum, sum hava uppgivið at læra støddfrøði.
Skeiðið er ætlað næmingum, sum byrja á miðnámi í summar. Tí svarar støðið til 9. flokk og markamótið til miðnám. Vit ásanna, at næmingar, sum velja hetta skeiðið, hava havt støddfrøði í 9 ár uttan at hava fangað støddfrøðina. Vit fara tí at undirvísa á ein umfevnandi og rannsakandi hátt, har næmingurin upplivir sjálvur at finna svarini og at fáa sjálvsálit innan støddfrøði.
Næmingarnir koma millum annað at arbeiða við:
Trigonometri: Sinus, Cosinus & Pythagoras
Prosentrokning
Líkningum
Luttakararnir verða skipaðir í 3 ymisk lið við 15 luttakarum á hvørjum liðið. Liðið arbeiðir síðani við einum evni í 3 dagar.
Skeiðið er 20. til 23. juli, 26.-27. juli og 2.-4. august, allir dagar klokkan 9-15
Stað: Á Glasi
Skeiðsluttakarapláss: 45
Prísur: 2.800 kr.
Tilmeldingarfreist: 29. juni 2021
Tekna teg til skeiðið talgilt á hesum leinki.
