GLASIR: KT-UMSITARI

5. januar 2021

TCP/IP, LAN, WLAN, virtualisering, AD, AAD … Ert tú við enn? So er tað møguliga tær, vit leita eftir – tí á Glasi er kunningartøkni ein týðandi partur av gerandisdegi okkara.

Á Glasi eru um 250 starvsfólk og eini 1.600 næmingar, lærlingar og lesandi, sum nema sær eina av okkara yvir 30 útbúgvingum – antin á miðnámi, á yrkisnámi ella á hægri námi. Hetta fjølbroytta útbúgvingarumhvørvið hevur við sær nógvar og spennandi avbjóðingar – og KT er snúningsdepilin í nógvum av virkseminum. Tí er alneyðugt við góðum starvsfólkum, sum kunnu menna skúlan, soleiðis at tøknin kann gagnnýtast til fulnar.
Vit søknast eftir einum ábyrgdarfullum, fyrikomandi, framfýsnum KT-umsitara at arbeiða fulla tíð við m.ø. hesum uppgávum:

  • ábyrgd av at skipanir rigga og vera røktar – bæði við uppsetan, skjalfesting, yvirvaking, dagføring, backup og restore-mannagondum
  • KT-trygd, -politikkur og -mannagongdir
  • hjálpa starvsfólkum og næmingum á staðnu
  • feilfinna og loysa hardware/software trupulleikar
  • koma við viðmælum sum betra um KT nýtsluna á skúlanum
  • Undirvísingarstýrið hevur sett út í kortið eina stóra heildarætlan fyri KT-umsiting í undirvísingarverkinum. Tú kemur at vera partur av hesari verkætlan, sum kann viðføra broytingar í starvinum.

FØRLEIKAKRØV:

  • Meir enn 3 ár av viðkomandi starvsroyndum innan KT øki
  • Stóra vitan um TCP/IP, LAN, WLAN, Virtualisering, AD, AAD, Office 365 & backup loysnir
  • Tú dugir at samskifta skrivliga og munnliga á føroyskum, donskum og enskum
  • Tú dugir at seta orð á teknisk hugtøk, soleiðis at onnur starvsfólk skilja teg
  • Tú tolir eitt skiftandi arbeiðsumhvørvi við ymiskum uppgávum
  • Ynskiligt er at tú hevur viðkomandi útbúgving innan KT, eitt nú innan datalogi, KT-verkfrøði ella kunningartøkni á bachelor- ella mastersigi. Lønin er sambært sáttmála millum Fíggjarmálaráðið og avvarðandi yrkisfelag.

FREIST
Umsókn til starvið skal, saman við CV, prógvum og møguligum viðmælum, sendast til starv@glasir.fo í seinasta lagi mánadagin 1. februar 2021 á middegi, kl. 12:00.

Nærri kunning um starvið fæst við at venda sær til Áka Heinesen Højsted, KT-leiðara, við at senda teldupost til ahh@glasir.fo.