Og ynskir tú at læra at gera góðan og leskiligan mat? Kom so og lær til kokk (gastronom) á Glasi. Á Føroya størsta lærustovni metta vit dagliga um 1750 næmingum, lærlingum og lesandi – ungum fólkium, sum fara at mynda framtíð Føroya á øllum hillum.
UM STARVIÐ
Køkurin á Glasi søkir ein kokkalærling at byrja 15. august 2022. Her nøkta vit dagliga ein so stóran tørv, bæði í mongd og góðsku, at vit áhaldandi mugu menna køkin og okkara matarskráir. Tí kunnu vit bjóða tær eitt lærupláss í einum góðum, stórum og fjølbroyttum arbeiðsumhvørvi, har tú fært eitt fakliga gott, spennandi og mennandi lærupláss.
Tú verður partur av einum dugnaliga starvsfólkahópi, sum telur 10 fólk, og fært ein rættiliga fjølbroyttan arbeiðsdag, har vit borðreiða fyri einari rúgvu av ungum fólkum á ymsum yrkisleiðum.
Høvuðsvirðini hjá okkum eru at gera góðan, fjølbroyttan og burðardyggan mat á einum góðum og sunnum arbeiðsplássi.
TÍNIR FØRLEIKAR
Tú elskar mat, trívist í einum køki, ert lærifús/ur og ábyrgdarfull/ur. Alt hitt lærir tú her hjá okkum. Tað kann vera ein fyrimunur, um tú hevur gingið á kokkaskúla ella arbeitt við mati, men tað er ikki eitt krav.
LÆRUTÍÐ OG SKÚLI
Lærutíðin hjá kokkalærlingum er 3 ár og 9 mánaðar. Skúlagongdin fer fram í Klaksvík og í Danmark. Um tú hevur 1. og 2. skúlaskeið á kokkaskúla kann lærutíðin styttast samsvarandi.
SEND OKKUM UMSÓKN
Um tú vilt frætta meira, áðrenn tú sendir okkum umsókn, ert tú vælkomin at venda tær til Allan Hjaltalin, køksleiðara á Glasi, á tlf. 78 66 72 ella í telduposti til alh@glasir.fo.
