Fígging

Lærugreinin fígging viðger viðkomandi evni, ið hava við fíggjarviðurskifti, sum heild, at gera og lærugreinin gevur næminginum eina sera viðkomandi vitan um fíggjarviðurskifti, í breiðari merking. Lærdómurin í fígging er sera viðkomandi um tú seinni velur eina lívsleið innan økið og lestrarliga fer fíggjarvegin. Um tú velur aðra lívsleið er lærdómurin eisini sera viðkomandi, tí vitanin kann brúkast í nógvum av lívsins viðurskiftum, millum annað viðvíkjandi lántøku í samband við húsakeyp, uppsparing, trygging og pensjón. Umframt hetta nemur lærugreinin við evni sum peningastovnsrakstur, realkredittlán, skattur, rakstrarætlan fyri húsarhaldið, rentustig umframt virðisbrøv og samanseting av virðisbrævaíløgum.