Føroyskt

Føroyskt er fjølbroytt og spennandi lærugrein, ið fevnir breitt. Tit hava fingið ávíst innlit í lærugreinina frá fólkaskúlanum og hava longu nøkur amboð at arbeiða víðari við.

Á miðnámi arbeiða vit ástøðiliga og verkliga við einum breiðum úrvali av føroyskum tekstum, frá munnligari mentan til nýggjastu tíð, umframt myndum og fjølmiðlum. Tekstaviðgerðin kann hava ymiska tilgongd til dømis tematisk, bókmentasøgulig ella vera ein samanrenning av ymiskum tekstasløgum.