Klædnaatstøði

Klædnaatstøðingur er ein 2 ára grundútbúgving til tín, ið ynskir at nýta tíni skapandi evni innan mótaheimin. Hetta er ein spennandi og kreativ útbúgving, har tú fær hollan kunnleika innan klædnaframleiðslu. Vit arbeiða m.a. við sniðgeving, seyming, konstruktión og mótasøgu.

Sum útbúgvin Klædnaatstøðingur hevur tú møguleika at lesa víðari til Klædnahandverkara og Designteknolog. Tú kanst eisini velja at arbeiða á seymistovu ella gerast sjálvstøðug/ur vinnurekandi o.a.

Fyri at byrja útbúgvingina krevst, at tú hevur fráfaringarroynd fólkaskúlans.