Kunningartøkni

Lærugreinin fevnir um samspælið millum tann tøkniliga framburðin og nýtsluna av kunningartøkni í útbúgving, vinnulívi og í samfelagnum sum heild. Tú fært ástøðiligt innlit í hesa tøkni og verkligan førleika at nýta hana. Tú fært eitt amboð at kunna teg í vitanarsamfelagnum og at læra teg at gera skipaða leiting eftir upplýsingum, og at kanna og eftirmeta teir kritiskt. Tú lærir at nýta samvirkandi miðlar. Tú lærir um trygdarkrøv og vandamál og um etiskar reglur og mannagongdir, tá ið kunningartøkni verður nýtt.