Franskt

Franskt er altjóða mál og høvuðsmál í Fraklandi, Belgia, Sveis, Luxemburg og Monaco umframt í fleiri afrikonskum londum so sum Senegal, Niger og í Quebec í Kanada.

Franskt er alment mál í 32 londum og verður talað av umleið 220 mió. fólkum.

Undirvísingin í fronskum hevur til endamáls:

• at menna førleikar næmingsins at ogna sær franskt mál sum  samskiftismiðil
• at menna málsligu vitan næmingsins um franskt mál og mentan
• at menna lesi- og skriviførleikar næmingsins á fronskum
• at geva næminginum førleika umrøða og viðgera tekstir á fronskum
• at geva næminginum innlit í mentanar- og samfelagsviðurskifti í londum og økjum, har franskt verður talað.

Talaða málið

• Næmingurin skal læra:
  • at orða seg og samskifta týðiliga
  • at greiða frá kendum evnum og tekstum
  • at nýta fastar orðingar og vendingar
  • at lurta eftir og skilja høvuðsinnihaldið í talu ella samrøðu um gerandisevnir
  • at leggja fram eitt fyrireikað evni á fakligan og kreativan hátt

Skrivaða málið

• Næmingurin skal læra:
  • skrivliga at greiða frá á einføldum og greiðum máli um kend evni
  • at samskifta skrivliga t.d. við KT um gerandisevni
  • at nýta tvímálsligar orðabøkur og grundleggjandi mállærutilfar
  • at nýta KT og aðrar miðlar