Nú er møguleiki at menna tínar førleikar innan m.a. projektleiðslu, samskifti og starvsfólkaleiðslu.
Hægri nám á Glasi bjóðar hesa várhálvuna tríggjar útbúgvingar innan hesi øki. Útbúgvingarnar eru skipaðar sum partur av HD, Akademiútbúgvingini og Diplomútbúgvingini í leiðslu sum parttíðarlestur, so arbeiðslívið kann sameinast við hægri útbúgving.
Talan er um hesar útbúgvingar:
- HD, 1. partur: Vallærugreinir: Projektleiðslu (5 ECTS) og Innanhýsis og uttanhýsis samskifti hjá virkinum (5 ECTS).
- Akademiútbúgving. Modul: Leiðsla í verki (10 ECTS).
- Diplomútbúgving í Leiðslu: Starvsfólkaleiðsla og faklig menning (10 ECTS).
Freistin at søkja inn á hesar útbúgvingar er 15. januar 2024.
Áhugaði kunnu søkja inn á hesum leinki.
Meiri kunning um útbúgvingarnar er at finna á heimasíðuni hjá Glasi. Til ber eisini at ringja til okkara á 616600 og frætta nærri.