Sálarfrøðitænastan

Sálarfrøðitænastan heldur til í høli 410 á Glasi og er ókeypis.

Á Glasi eru tveir sálarfrøðingar: Rigmor N. Arge og Hansina Jacobsen.

Næmingur, sum kennir seg hava tørv at tosa við sálarfrøðingin, skal venda sær til lestrarvegleiðaran, sum er knýttur at flokkinum, næmingurin gongur í.

Mannagongd, tá sálarfrøðitænastan skal nýtast

Næmingar seta seg í samband við lestrarvegleiðaran, ið setur seg í samband við sálarfrøðingin, so fær næmingurin uppskot um tíð frá sálarfrøðingi
Lærarar, sum vilja hjálpa næmingi við at fáa tíð hjá sálarfrøðitænastuni, skulu eisini venda sær til lestrarvegleiðingina
Er næmingurin undir 18 ár, setur lestrarvegleiðarin seg fyrst í samband við foreldur/verjar at næminginum.

ADHD/ADD skeið á Glasi skúlaárið 2022/2023

Vilt tú við, melda til hjá tínum lestrarvegleiðara.

Endamálið er at virka fyri at styrkja teg, soleiðis at skúlagongdin verður betri.

Hevur tú trupulleikar við tíðarfatan, skipa dagin, planleggja og virka í felagsskapinum?

Kom við í bólkin.

Vit hava tagnarskyldu