Henda heimasíða nýtir farspor, fyri at veita tær best møguligu uppliving. Farspor verða goymd í tínum kaga, sum m.a. ger tað møguligt, at kenna teg aftur, tá tú kemur aftur til heimasíðu okkara, og hjálpa okkum at skilja, hvørjar partar av heimasíðuni tú finnur mest áhugaverdar.
Samantvinna lesna og ítrótt
Sum úrvalsíðkari og næmingur á miðnámi, ber til at søkja um loyvda fráveru í samband við tín ítrótt. T.d. í samband við kappingar, venjingarlegur o.a. Tú kanst tó bert søkja um loyvda fráveru umvegis hesa skipan, um ÍSF hevur góðkent teg sum úrvalsíðkara og sent tær ítøkiliga váttan.
Hevur ÍSF ikki góðkent teg sum úrvalsíðkara, bert til at lesa nærri og søkja umvegis hesa leinkju: Send umsókn. Ella at fara framvið lestrarvegleiðingini á 4. hædd og spyrja eftir ókkara ÍSF vegleiðarum.
Góðkendur úrvalsíðkari á miðnámi
Sum úrvalsíðkari á miðnámi ber til at samantvinna tín lesna við ítrótt. Hetta krevur tó at tú hevur tætt samband við skúlan um lestrarviðurskifti umframt at tú søkir um loyvda fráveru hvørjaferð tú ert burtur.
Umsókn um loyvda fráveru, kann verða játtað, treytað av:
- Tú møtir væl, tú letur allar uppgávur inn rættstundis (eisini meðan tú ert burtur), umframt at tú heldur lestrar- og skilhaldsreglur skúlans
- Tú søkir um loyda fráveru í góðari tíð, helst tvær vikur innan fráverutíðarskeiðið byrjar. (hvussu við próvtøkutíðarskeiði?)
- Tú hevur tætt samband við ÍSF vegleiðarar á Glasi og leggur lestrarætlan til rættis í samráð við teir
- Loysur avtalaðu uppgávurnar og arbeiðir miðvíst við skúlatingum á áleið 2 tímar um dagin
Mett verður í hvørjum einstøkum føri um tú lýkur omanfyristandandi treytir. Tú fært skrivlig boð frá skúlanum umvegis tín skúlateldupost, í seinasta lagi tvær vikur eftir vit hava móttikið umsóknina.
OBS: Lýkur tú ikki treytirnar, verður umsóknin ikki gingin á møti. Velur tú kortini at fara, verður tú skrásettur sum fráverandi.