Ert tú næmingur ella lærlingur á Glasi og umboðar tú Føroyar í altjóða kapping ella tiltaki innan ítrótt, list ella mentan, kanst tú søkja um loyvda fráveru í tilsamans 10 skúladagar pr. skúlaár. Minst til at søkja um loyvda fráveru hvørjaferð tú ert burtur.

Umsókn um loyvda fráveru:

Umsókn um loyvda fráveru, kann verða játtað, treytað av:

• Tú møtir væl og letur allar uppgávur inn (eisini tað, ið skal latast inn meðan tú ert burtur), og heldur lestrar- og skilhaldsreglur skúlans
• Tú søkir í góðari tíð, helst tvær vikur innan fráverutíðarskeiðið byrjar
• Yrkisnám: Er talan um fráveru í sambandi við próvtøkutíðarskeið, set teg í samband við leiðandi lærara í viðkomandi faki sum skjótast
• Miðnám: Er talan um fráveru í samband við próvtøkutíðarskeið, set teg í samband við tín lestrarvegleiðara sum skjótast
• Í talgildu umsóknini, greiðir tú nærri frá tiltakinum, tú ert úttikin til, ella leiklutinum tú hevur viðvíkjandi at umboða Føroyar
• Tú hevur tætt samband við skúlan um fráverutíðspunkt og hvussu lesnaðurin/lærutíðin verður skipað

Mett verður í hvørjum einstøkum føri, um lærlingur lýkur omanfyristandandi treytir. Tú fært skrivlig boð frá skúlanum umvegis tín skúlateldupost, í seinasta lagi tvær vikur eftir vit hava móttikið umsóknina.

OBS: Lýkur tú ikki treytirnar ella hevur tú verið burtur meira enn 10 dagar í sama skúlaári, verður umsóknin ikki gingin á møti. Velur tú kortini at fara, verður tú skrásettur sum fráverandi.

– hetta sambært ‘Rundskrivi um fráveru hjá næmingum, sum umboða Føroyar í altjóða kappingum’ frá 27. oktobur 2016.