Ja, vit leita eftir tykkum og fleiri, fleiri øðrum at vera við í einum megaspennandi sjónleiki, sum Glasir og yrkissjónleikabólkarnar TVAZZ og Det Ferösche Compagnie gera í felag.
Tann 16. november 2024 verður heimskendi ungdómsleikurin Romeo og Julia eftir William Shakespeare frumsýndur á Glasi í føroyskari týðing eftir Hans Tórgarð.
Brúk er fyri nógvum ungum fólkum at leika, eini 40. Tørvur er eisini á fólki at hjálpa til við palli, ljóði, ljósi og nógvum øðrum.
- Vit venja í Marghøllini á Glasi mikudag-sunnudag kl. 16:00-20:00.
- Heinta venjingarskránna á hesari leinki
Meiri kunning og tilmelding hjá Búa Dam, leikstjóra, ella Eyðstein Simonsen, útbúgvingarleiðara og næmingasamskipara á leikinum:
- Búa Egason Dam, 260566 / romeojulia2024@gmail.com
- Eyðstein Simonsen, 530303 / esn@glasir.fo
Fylg eisini sjónleikinum á Facebook og Instagram vangunum hjá leikinum:
- Facebook – https://www.facebook.com/profile.php?id=61565341821593
- Instagram – https://www.instagram.com/romeogjulia_sjonleikuraglasi
Talan er um eina stóra sjónleikaverkætlan, nokk ta størstu í hesum árinum. Miðnámssangleikir hava verið fastur siður síðani miðskeiðis í nítiárunum. Í 2020 varð sangleikurin Cabaret sýndur á Glasi. Við koronu kom stígur, men nú bragdar av álvara aftur við sjónleikinum Romeo og Julia.
Vit gleða okkum.
