- This event has passed.
FM í Ungt Virki
mars 25, 2022
Ungt Virki er eitt tilboð til allar miðnámsskúlanæmingar í aldrinum 15-25 ár, sum ynskja at læra, hvussu tey kunnu menna nýggjar vørur og tænastur frá hugskoti til veruleika, og hvat skal til fyri at stovna og reka egið virki.
Ungt Virki skipar á hvørjum ári fyri íverksetaratiltøkum á føroysku miðnámsskúlunum í samstarvi við m.a. Mentamálaráðið, Vinnumálaráðið, Betri, Vinnuhúsið, Íverksetarahúsið, Hugskotið, Fróðskaparsetrið, vinnulívið og miðnámsskúlar. Í hesum sambandi fáa næmingarnir ráðgeving frá Betri, Íverksetarahúsinum og Hugskotinum, og fáa harumframt fíggjarligan stuðul frá Betri í sambandi við tiltakið, FM Ungt Virki.
FM Ungt Virki – 2022
Seinnu nógvu árini hevur tiltakið verið hildið í SMS, men í ár er avgerð tikin um at hava tiltakið á Glasi – tiltakið er tó óbroytt í mun til undanfarin ár.
Tilsamans hava 24 bólkar úr Havn, av Kambsdali og úr Klaksvík við millum 3-5 limum meldað seg til tiltakið í ár. Í fjør kappaðust ”bert” 12 bólkar.
Vinnarin av Ungum Virki 2022 fer at umboða Føroyar í altjóða kappingini ‘Young Enterprise 2022’ síðst í apríl í Keypmannahavn.
Næmingar, lærarar og vitjandi fáa høvi at hoyra eina rúgvu av spennandi framløgum í Atrium og vitja teir nógvu forkunnugu básarnar, sum verða settir upp á 3. hædd. Øll eru hjartaliga vælkomin!
Meira kunning um tiltakið kemur seinni.