Logopedi

Logopedi er læran um diagnostisering og viðgerð av mál-, talu- og lesitrupulleikum. Logopediska tænastan á Glasi fæst m.a. við at kanna lesi- og skriviførleikar hjá nýggjum næmingum við ársbyrjan og at veita næmingum hjálp og vegleiðing, so læringin og skúlagongdin verður so lítið darvað av eitt nú orðblindni.

Logopediin heldur til í høli 707, sum er í niðastu hædd í reyða bygninginum (gamla Handilsskúlanum)

  • Upplatingartíðir

    Upplatingartíðir/nýtt

    Logopediin er at hitta allar gerandisdagar frá kl 8:10 til 15.00 uttan fríggjadagar, tá eru vit at hitta á telefon ella umvegis teldupost.

  • UM LOGOPEDI

    Um tú hevur fingið eitthvørt staðfest, td. ADHD, orðblindni osv., er tað skilagott at seta eitt flugubein í teigin “Ja, eg ynski námsfrøðiligan stuðul” á umsóknarblaðnum, tá tú søkir inn. Á henda hátt kann logopediin á Glasi veita tær tey neyðugu amboðini so skjótt sum til ber.

    Rættindi og kompenserandi tiltøk til næmingar, ið eru staðfestir við orðblindni og ADHD

    – longda tíð til próvtøkurnar

    – atgongd til NOTA

    – hjálparforrit

    – talgildar tekstir

    – lektiuhjálp

    – tillagaði próvtøkuhøli

    – møguleiki fyri borðskermum o.l. pedagogiskum amboðum

    Hesi átøk koma ikki at ávirka ella standa í próvnum.

  • FORRIT

    CD-orð kann heintast her

  • VIDEOVEGLEIÐINGAR til cd-orð 10,2

    Vit hava gjørt átta ymiskar vegleiðingar í at brúka CD-ORÐ 10,2:

     

  • Um logopedi

    Faldari um logopedi verður tøkur her