Undirvísingin er 2-4 dagar um mánaðin.

Tíðarætlan fyri nýggjan flokk, ið byrjar á heysti 2017, um nóg nógv tekna seg.

Kravdar lærugreinir
– persólig leiðsla 1 og 2 – 10 ECTS
– leiðsla og starvsfólk 1 og 2 – 10 ECTS
– leiðsla og fyriskipan 1 og 2 – 10 ECTS

Vallærugreinir
– 3 vallærugreinir – 5 ECTS
– høvuðsuppgáva – 15 ECTS

Útbúgvingin verður boðin út sum stakar lærugreinir. Hetta merkir, at tað ber til at taka eina ella fleiri lærugreinir eftir tørvi og ynskjum hjá tær – ella at taka alla útbúgvingina.

Eftirmeting
Hvør einstøk lærugrein verður eftirmett við próvtøku. Helvtin av kravdu lærugreinunum og vallærugreinirnar verða skipaðar við innanhýsis próvtøkum: Lesandi lata inn uppgávu, ið lærarin og ein innanhýsis próvdómari eftirmeta. Hin helvtin av kravdu lærugreinunum og høvðusuppgávan verða eftirmett við uttanhýsis próvtøku: Lesandi lata inn uppgávu, ið verður eftirmett av lærara og uttanhýsis próvdómara.

Um tú vilt vita meira um útbúgvingina og uppbygnaðin, ber til at lesa námsætlan (studieordning) ið tú finnur her.

Verkætlanarleiðsla
Búskaparlig leiðsla
Vitanar- og innovatiónsleiðsla
Strategisk leiðsla
Broytingarleiðsla
Leiðsla og coaching
Leiðsla av marknaðarførslu og uttanhýsis samskifti
Leiðsla og heimspeki
Leiðsla við broytingar- og menningar tilgongdum í almenna geiranum
HRM og leiðsla
Leiðsla við sosialum kapitali

Tú kann menna:

• tínar førleikar sum leiðari
• hvussu tú handfer avbjóðingar í fyriskipanini
• vitan um, hvussu tú kann leiða og motivera starvsfólk
• hvussu tú kann arbeiða við yvirskipaðum málum og strategium

Vit leggja dent á beinleiðis samskifti og samband við lærarar og lesandi og millum lesandi sínámillum. Menning sum leiðari – og harvið eisini tín persónliga menning – er í fokus. Tí verður arbeitt við ástøði og tí verkliga – við støði í fyriskipanum hjá tær og tínum floksfeløgum. Tú fær møguleikan at byggja upp samband við aðrar leiðarar – at skapa og virka í einum netverki.

Upptøka krevur eina av hesum útbúgvingum:

• styttri framhaldsútbúgving, t.d. marknaðarførslubúskap ella fíggjarbúskap.
• akademiútbúgving
• HD 1. part
• bachelorútbúgving
• ella samsvarandi útbúgivng

Somuleiðis verður kravt av umsøkjarin hevur í minsta lagi 2 ára viðkomandi vinnulívsroyndir eftir at hava lokið útbúgving, sum gevur atgongd til Diplomútbúgving í leiðslu.
Um umsøkjarin hevur veruligar førleikar (realkompetencur), ið verða góðkendar at svara til upptøkutreytirnar, er møguleiki at vera tikin inn á útbúgvingina. Umsøkjarin skal skjalprógva realkompetencurnar og verður støða tikin til møguliga atgongd í hvørjum einstøkum føri.

Um umsøkjarin ikki lýkur upptøkutreytirnar, men verður mettur at hava útbúgving, ið kann javnsetast við kravdu útbúgvingarnar, er møguligt at koma inn á útbúgvingina. Støða verður tikin til møguliga atgongd í hvørjum einstøkum føri. Útbúgvingin verður boðin út á Glasi í samstarvi við royndan útbjóðara.

• Á Diplomútbúgvingini í leiðslu á Glasi verður m.a. dentur lagdur á:
• at lærarar hava drúgvar royndir og viðkomandi royndir, her ímillum leiðsluroyndir, vitan og innlit í føroyskt viðurskifti.
• at arbeitt verður við cases og uppgávum, ið taka støði í viðurskiftum og trupulleikum í virkjum og á stovnum.
• at gestalærarar hava drúgvar royndir í vinnulívinum og leiðslu
• at lesnaðurin gevur tær innlit í bæði klassiska og nýmótans ástøði um leiðslu, fyriskipan og strategi.

Diplomútbúgvingin í leiðslu er javnsett við bachelor útbúgvingar. Útbúgvingin er skipað sum parttíðarlestur og tekur umleið. 2½ ár. Undirvísingin er 2-4 dagar um mánaðin, sí tíðarætlan omanfyri.

Møguleiki er fyri framhaldandi lestri á Master støði. Í løtuni er ikki møguligt at taka master útbúgvingar í leiðslu í Føroyum.

Donsku universitetini bjóða master útbúgving í leiðslu. Eitt nú bjóðar Århus Universitet, www.au.dk, eina røð av master útbúgvingum innan innovatión, leiðslu og fyriskipan.

Upptøkukrøv til master útbúgvingar á Århus Universitet eru viðkomandi útbúgving og 2 ára viðkomandi royndir. Tá talan er um master innan leiðslu er diplomútbúgving í leiðslu at rokna sum viðkomandi.

Fá meira kunning um master útbúgvingar í Danmark á “Uddannelsesguiden”, sí www.ug.dk.

Fyrivarni verður tikið fyri broytingum

Ynskir tú at fáa nærri kunning um Diplomútbúgving í leiðslu ber til at seta teg í samband við við Glasir, Finn Jensen, dekan á telefon 317177 ella teldupost fje@glasir.fo.

Tú kanst melda teg til útbúgvingina her