Hetta er tíðin, tá ið pisurnar verða floygdar á Glasi. Mikudagin 11. juni 2025 fekk fyrsta pisan húgvuna á høvdið.

Hetta var Høgni Heinason úr 22m á búskaparbreytini.

Familja og vinir tóku ímóti Høgna, tá hann kom úr seinastu próvtøkuni, og mamman gav honum húgvuna á høvdið.

Høgni spælir við føroyska U21 hondbóltslandsliðnum, sum fer til Póllands í næstu viku at spæla HM-endakapping. Fleiri landsliðsfelagar vóru komnir á Glasir at taka ímóti Høgna og ynskja honum til lukku við prónum

Una Joensen, rektari á Glasi, ynskti eisini Høgna til lukku. Sum fyrsta pisa, fekk Høgni heiðurin at vinda Merkið á stong á Glasi við góðari hjálp frá Gregori Hentze, húsavørði á Glasi.

Vit ynskja Høgna og øllum øðrum á Glasi, sum fáa prógv í hesum døgum, hjartaliga til lukku.

Niðanfyri er eitt sjónband frá fagnarløtuni hjá Høgna.