Hósdagin 9. apríl klokkan 15.30 skipar bókasavnið á Glasi fyri einum rithøvundapráti við Vónbjørt Vang, ið herfyri vann Virðisløn Norðurlandaráðsins fyri yrkingasavnið Svørt Orkidé.
Fleiri flokkar hava lisið savnið. Hetta er tí ein frálíkur møguleiki at fáa meira at vita um rithøvundan, yrkingarnar og tað at skriva.
Tiltakið verður skipað sum ein samrøða við Paulu Gaard, bókavørð og undirvísara á Glasi. Høvi verður at seta spurningar. Tiltakið verður í Marghøllini, og øll eru sjálvandi vælkomin.
