Høll reist, har tjaldið feyk

5. oktober 2021

Seinasta vetur tók stormur tað stóra tjaldið, sum timburlærlingar nýttu sum verkstað, tá rúm ikki er fyri øllum virkseminum inni á verkstøðunum. Fyri tjaldið, sum fór í vindinum, er nú reist ein høll, sum við fyribils loyvi í 2 ár kann húsa hesum sama virksemi. Høllin er 240 fermetrar til støddar, og hæddin er um seks metrar, har høllin er hægst. Talan er um eina kalda høll, sum verjir móti vindi og regni. Høllin verður tikin í nýtslu eftir heystferiuna.