NORDIC FURNITURE – Tvørfakligt samstrav millum Glasir og NEXT Vibenshus Gymnasium

8. november 2018

Tilvirkisatstøði hevur arbeitt við einari Nordplus Junior verkætlan saman við Teknologi og design næmingum frá 2.V (Vibenshus Gymnasium) og møbilsnikkaranæmingum frá NEXT. Saman hava næminganir sniðgivið og bygt ymiskar stólar, har tilfarið træ og seyðaskinn er brúkt.
Verkæltanin hevur verið framd gjøgnum oktobur mánaða, har næmingar niðri frá vóru á Glasir, har tey millum annað lærdu um at garva, føroyska siðmentan við seyði og seyðaskinni. Síðan var seinni partur av verkætlanini framd í København, har stólarnir vóru gjørdir lidnir í bólkunum, við hollari vegleiðing frá møbilsnikkaranæmingunum.