Fríggjadagin 3. februar var prógvhandan á yrkisnámi á Glasi.
33 sveinar fingu handað prógv sum elektrikarar, maskinsmiðir, rørsmiðir, rør- og blikksmiðir, bilsmiðir og húsasmiðir. Á hátíðarligu løtuni, har sveinar, familja, vinfólk, lærarar og meistarar vóru tilstaðar vóru talur, tónleikaframførsla og sjálvsagt prógvhandanir.
Løtan gjørdist søgulig, tá Una Joensen, rektari, handaði Tanju Danielsen, sum er fyrstu kvinnuligi rør- og bikksmiðurin í Føroyum, prógv.
Vit ynskja tykkum hjartaliga tillukku og blíðan byr.
