Skúlabyrjan broytt: Nýggir næmingar møta 17. august kl. 08:10

13. august 2020

Eitt avbjóðandi og spennandi skúlaár stendur fyri framman. Korona-farsóttin, sum merkti okkum øll nógv í fyrru hálvu av 2020, ger nú aftur um seg og fer at merkja skúlabyrjanina. Sum landins størsti útbúgvingarstovnur við yvir 1.500 næmingum, lærlingum og lesandi er tað sera umráðandi, at vit ansa eftir hvør øðrum og gera alt, vit kunnu, fyri at seta trygd og heilsu fremst.

Fyri at fáa eitt rúmari skotbráð at fylgja gongdini við smittuni og taka neyðugu stigini fyri at fáa eina trygga skúlabyrjan hava vit gjørt av, at allir næmingar og lærlingar á fyrsta ári møta mánamorgunin 17. august kl. 08:10, og ikki hósdagin 13. august, sum ætlanin var. Skráin fyri dagin verður tillagað og send út seinni.

Næmingar á 2. og 3. ári á gymnasialum miðnámi byrja IKKI 17. august kl. 12:30, sum ætlað. Næmingar á 2. og 3. ári byrja við fjarundirvísing á Teams týsmorgunin kl. 08:10 – eftir vanligu tímatalvuni. Fyrstu vikuna eru hesir næmingar ikki á Glasi, men eru heima og møta til undirvísing á Teams. Nærri kunning um skrá kemur seinni.

Fyrivarni skal takast fyri, at broytingar kunnu koma fyri. Vit heita tí á næmingar og foreldur um at fylgja væl við í kunningini í teldupostum og á heimasíðu skúlans