Hesa vikuna stóðu 5 lærlingar sveinaroynd sum húsasmiðir.

Sum siður er á Glasi, so varð skipað fyri hugnaløtu á timburdeildini fyri teimum, sum stóðu sveinaroynd, teirra avvarðandi, arbeiðsgevarum og lærarum á skúlanum. Her fingu teir fimm handað váttan fyri lokna skúlagongd.

Teir, sum tóku sveinaroynd hesu ferð, og sum eru á myndini omanfyri, eru frá vinstru:

  • Bogi Ingolf Gunnarsson
  • Fríður Rani Beintuson
  • Gunnar Lydersen
  • Suni Ári Kruse
  • Teit Hjelm

Almenn prógvhandan á Yrkisnámi verður í februar mánaði komandi ár. Nærri verður lýst fyri hesum.