Tilvirki framsýning á 4. hædd

1. mars 2019

Framsýning verður komandi vikurnar í glasmontrum á 4. hædd á Glasi. Framsýningin er av tí, sum Tilvirkið hevur evnað úr laksaskræðu. Tey lesandi hava sjálvi garvað og litað. Hetta arbeiðið tók tvær vikur.

Tey hava síðani í tríggjar vikur seymað taskur og pungar úr laksaskræðu og seymað úr øðrum tilfari og brúkt laksaskræðu til pynt.

Møguleikarnir eru nógvir, og tey á Tilvirki hava valt at vísa, hvat laksaskræða eisini kann brúkast til.

Framsýningin stendur frammi komandi tvær vikurnar.