Nú byrjar nýtt skúlaár á Glasi. Næmingar, lærlingar og lesandi møta soleiðis:

Mikudagur 13. august: Nýggir næmingar og lærlingar møta kl. 08:10. Á skránni er m.a. kunning um árið, rundvísing á skúlanum, flokssavnan saman við undirvísarum og lestrarvegleiðarum – og ymisk kunning um skema, ársætlan, KT-pallar o.a. 

Meiri kunning til nýggjar næmingar og lærlingar fæst við at trýsta á hetta leinkið.

Lærlingar á 2. og 3. skúlaskeiði møta sambært innkallingum.

Næmingar á gymnasialum miðnámi á 2. og 3. ári møta hósdagin 14. august sambært skema. 

Næmingar á 2. 3. og 4. ári á serbreytini møta hósdagin 14. august kl. 08.10.

Næmingar á 1. ári á serbreytini møta 18. august mánadagin kl. 09.00.

Mánadagin 25. august byrja lesandi innan fíggjarbúskap á Hægri Námi.