Um næmingatænastuna
Næmingatænastan er samansett av lestrarvegleiðing, lesi- og skrivitænastu, sálarfrøðingi og bókasavni.
Endamálið við næmingatænastuni á Glasi er at tryggja, at okkara næmingar og lesandi fáa tann serfakliga stuðul, ta vegleiðing og hjálp, sum teimum tørva, fyri at útbúgvingartíðin á Glasi verður so góð sum yvirhøvur gjørligt. Somuleiðis vil næmingatænastan eisini vera við til at styrkja fakligu og sosialu menningina hjá næmingunum og at hjálpa við praktiskum spurningum.
Eru spurningar ella ivamál ber altíð til at seta seg í samband við Næmingatænastuna. Heldur einaferð ov nógv enn einaferð ov lítið. Um tørvur er á viðtal ella ráðgeving frá sosialráðgeva samstarva vit við Almannaverkið. Hesum tekur næmingatænastan sær av.
Hjartaliga vælkomin inn á gólvið hjá Næmingatænastuni á 4. hædd, høli 410 – 411 og á bókasavninum á 2. hædd.
Leiðari fyri Næmingatænastuni er Annie Fjallsá, anf@glasir.fo, tlf. 211825
Endamál
Sálarfrøðiskipanin í miðnámskúlahøpi ger næmingarnar betur førar fyri at gjøgnumføra miðnám og minka um fráfallið, hóast møguligar sálarligar forðingar og/ella avbjóðingar. Samstundis er endamálið at førleikamenna vegleiðingina í skúlunum, so hon er betur før fyri at taka hond um næmingarnar, sum hava tørv á sálarfrøðiligari hjálp.
Tilboðið er ókeypis og fevnir um upp til fimm viðgerðir við sálarfrøðingi.
Ávísing
Næmingurin skal fyrst seta seg í samband við lestrarvegleiðingina á skúlanum. Lestrarvegleiðarin ávísir næmingin til sálarfrøðingin, ið síðani setur seg í samband við næmingin.
Samtykki
Fyri næmingar undir 18 ár krevst samtykki frá øðrum av foreldrunum ella verja.
Tagnarskylda
Sálarfrøðingurin hevur, eins og hini starvsfólkini á Næmingatænastuni, tagnarskyldu.
Fráboðanarskylda
Sálarfrøðingurin hevur eisini fráboðanarskyldu, sum merkir, at um mett verður, at lív og/ella heilsa hjá næminginum ella øðrum er í vanda, so hevur sálarfrøðingurin skyldu at boða frá.
Sálarfrøðingar eru:
-
- Rigmor Napoleonsdóttir Arge
-
- Hansina Jacobsen
-
- Kinnie Mortensen