Kantinan á Glasi

Øll lesandi á Glasi kunnu keypa matarkort til kantinuna. Tey fáast til keyps í móttøkuni uttanfyri fyrisitingardeildina. Matarkortið, sum hevur 10 klipp, kostar 350 kr. Við kortinum fæst:

• Morgunmatur av sjálvtøkuborði: 1 klipp / 35 krónur
• Salat av sjálvtøkuborði: 1 klipp / 35 krónur
• Miðmáli (frokostur): 1 klipp = 35 krónur við matarkortinum / 45 krónur uttan matarkort

Avslátturin er bert galdandi, um tú hevur matarkort. Tó fáa øll avsláttur av døgurðanum í morgin, fríggjadagin 31. august. Avslátturin er gjørligur, tí lesandi og starvsfólk á Glasi hava tikið væl undir við kantinuni. Endamálið við kantinuni er at veita so bíligan og heilsugóðan mat, sum gjørligt. Raksturin skal ikki geva yvirskot, men bera seg. Tess fleiri keypa í kantinuni, tess bíligari kunnu rættirnir gerast.

Vit vilja heita á tykkum um ikki at bera bakkar, tallerkar og bestikk burtur úr kantinuøkinum. Heiti maturin skal etast í økinum við kantinuna, og vit rudda upp eftir okkum og seta alt á rætta stað í avruddingarøkinum. Hetta ger stóran mun fyri tey, sum vaska og arbeiða í kantinuni.

Bygningurin skal haldast reinur og rudduligur. Tí skal matur og drekka í høvuðsheitinum etast í kantinuøkinum. Loyvt er tó at drekka í stovunum, men vit mugu sjálvi rudda upp eftir okkum. Vit skulu heilsa frá kantinuni og vaskifólki og takka fyri góðu undirtøkuna og góðan hugburð. Tó hevði verið gott, um vit tóku betur upp eftir okkum og gjørdu okkum størri ómak við at seta rætt frá okkum í uppruddingarøkinum.