Stavnhald

Stavnhaldið á Glasi lýsir, hvat vit gera, hvat vit vilja og hvussu vit eru. Stavnhaldið er vorðið til í einari tilgongd við luttøku frá starvsfólkunum á Glasi.

ENDAMÁL

Á Glasi útbúgva og búgva vit tann einstaka fakliga og menniskjaliga. Vit kveikja áhuga og forvitni fyri menning og læring. Hetta  er okkara avgerandi leiklutur í samfelagnum.

HUGSJÓN

Sum fjølbroyttur útbúgvingardepil vilja vit gera mun og stremba áhaldandi eftir, at okkara útbúgvingar eru dygdargóðar. Í góðum felagsskapi mennast næmingar og lærlingar til framskygd, skapandi og virkin menniskju, sum drívmegi í einum burðardyggum samfelagi.

VIRÐISGRUNDARLAG

Virðisgrundarlagið eru fimm hugtøk, ið starvsfólk á Glasi eru komin til. Hesi eru: At vísa virðing – At taka ábyrgd – At røkja góða felagsskapin – At skapa trivnað – At vit eru fakliga stolt

At vísa virðing er m.a. at:

• øll verða sædd, hoyrd og vird
• hava virðiligt samskifti
• virða sett mørk
• virða reglur og avgerðir
• virða og halda avtalur
• fara væl um okkara skúla og karmar

At taka ábyrgd er m.a. at:

• øll taka ábyrgd av okkara týðandi leikluti í samfelagnum
• taka ábyrgd av góða felagsskapinum, samstarvinum og trivnaðinum
• røkja góða skúlan

At røkja góða felagsskapin er m.a. at:

• vera inkluderandi og vinarlig
• virða ymiskleikan hjá hvørjum øðrum
• vitanardeila og vera gjøgnumskygd
• stuðla undir dygdargóðari læring
• hava tað stuttligt saman

At skapa trivnað er m.a. at:

• fyribyrgja happing og niðran
• hava eitt trygt umhvørvi
• øll vera rættvíst viðfarin
• betra áhaldandi um karmar og kor
• trivnaður er ein felags ábyrgd

Fakligur stoltleiki er m.a. at:

• veita dygdargóða tænastu
• fakliga støðið er høgt á øllum økjum og verður hildið og dagført
• miðlingin í undirvísingini er kveikjandi við støði í næmingum og lærlingum
• samstarva um fak og útbúgvingar

(Tórshavn 9. august 2024)