Skúlaheimið í Marknagili
Skúlaheimið kann hýsa uml. 50 næmingum í einakamari. Heimið er ætlað næmingum á Glasi at búgva í undir heimligum umstøðum. Næmingar, ið ganga á øðrum skúlum, kunnu eisini fáa innivist á Skúlaheiminum. Niðanfyri kanst tú lesa meira um Skúlaheimið og hvussu tú søkir um innivist.
Lyklapersónar á Skúlaheimnum:
- Andrias Jacobsen
- Rógvi Fossadal
- David Isfeld
Um tú hevur brúk fyri bráðfengis hjálp ella bert kunning, so ber til at ringja til náttavaktina hjá Skúlaheiminum: tlf. 261818
Send beinleiðis umsókn her
Um tað av onkrari orsøk ikki bar til at senda umsókn beinleiðis á netinum, kann umsóknarblað til Skúlaheimið heintast her
Umsóknir verða viðgjørdar eftir hesari røð:
- Næmingar/lærlingar í byrjanarflokkum á Glasi (atlit verða tikin til flutningstíð til og frá skúla).
- Næmingar/lærlingar í øðrum flokkum á Glasi.
- Aðrir næmingar og onnur lesandi
Upplatingartíðir:
Mánadag kl. 09.00 til 12.00 og fríggjadag kl. 09.00 til 12.00.
Tað ber eisini til at ringja til Andrias Jacobsen, 568010.
Leigugjaldið er kr. 3.600,- um mánaðin (900,- um vikuna). Í leigugjaldinum er fullur kostur og internet. Til ber at smyrja sær matpakka niðri í kantinuni á Glasi um morgunin at hava við í skúla.
Tey, ið búgva á heiminum, skulu við komu gjalda trygd (depositum) fyri kamarslykil, lyklakort og at kamarið er reint og í sama standi, sum tá flutt var inn.
Trygdin, (depositum) er kr. 800,-, og skal flytast á konto 9870 – 9897004 í Suðuroyar Sparikassa hjá Skúlaheiminum.
Næmingarnir skulu sjálvir hava við sær dýnu, kodda, seingjarklæði, dýnu- og koddavár, lak og handklæði.
Morgunmatur kl. 07.15 – 08.00 á Glasi
Døgurði kl. 11.30 – 12.30 á Glasi
Nátturði kl. 17.30 – 18.00 á Glasi
Kvøldkaffi kl. 18:30-22:00 – á Skúlaheiminum
Vinarliga heingið stólarnar upp undir borðið og ruddið eftir tykkum, tá tit eru liðug at eta.
Í vikuskiftinum frá fríggjakvøld kl 18.00 til sunnukvøld kl. 18.00.
Skúlaheimið fylgir eisini feriukalendaranum hjá Glasi og er eisini stongt, tá tað er feria á skúlanum.
Um avtala er gjørd um hetta frammanundan, kunnu nýggir næmingar flyta inn sunnukvøld millum kl. 19.30-20.30.
Skúlaheimið í vikuskiftinum
Ongin skipað náttarvakt er frá fríggjadegi seinnapart til mánamorgun. Tí er ikki møguligt at búgva á Skúlaheiminum í vikuskiftinum.
Í einstøkum førum kann undantak gerast, men hetta skal avráðast við Skúlaheimssamskiparan í hvørjum einstøkum føri.
Undatøkini kunnu vera serligt skúlatengt arbeiði, fyrireiking til próvtøkur ella heilt serligar støður – sum t.d. um næmingur ger ítrótt á høgum stigi og skal kappast ella spæla dyst.
Næmingurin, sum fær undantak, skal vera fyltur 18 ár.
Næmingar, sum hava langa leið at ferðast ella sum skulu ferðast við strandferðsluni, kunnu koma inn á skúlaheimið sunnukvøld frá kl. 18:00.
Eftir skúlatíð kunnu næmingar stytta sær stundir við ymiskum ítrivi, sum t.d borðtennis, kropsvenjing og billiard. Næmingarnir kunnu sjálvir skipa fyri ymiskum tiltøkum/kappingum. Møguleiki er at hyggja eftir sendingum á stórskýggja í matarhøllini og í sjónvarpsstovuni. Ymisk spøl liggja frammi til tykkum at brúka.
Námsfrøðilig umsjón, frítíðarvirksemi og náttarvakt er fast mánadag til hósdag frá kl. 17.30 til morgunin eftir kl. 08.00.
Námsfrøðilig umsjón er, at tað eru starvsfólk á Skúlaheiminum um kvøldið, sum kunnu skapa trivnað, verða næmingunum til hjálpar, stuðla teimum í skúlagongdini, hjálpa við heimaarbeiði og skipa fyri ella eggja næmingunum til ymiskt virksemi ella frítíðarítriv.
Um kvøldið fæst samband við náttarvaktina á telefon 261818.
Um avtala er gjørd um hetta frammanundan, kunnu nýggir næmingar flyta inn sunnukvøld millum kl 19.30-20.30.
Telefon Skúlaheimsins er 568010. Um hetta nummarið ikki svarar, kanst tú ringja til høvuðsnummarið á Glasi, sum er 616600.
Tey, ið búgva á Skúlaheiminum, hava skyldu at fylgja teimum reglum – skrivaðum sum óskrivaðum – ið settar eru ella settar verða í verk á heiminum. Brot á reglurnar kunna viðføra burturvísing.
Kamarið
Tá ið tit fara í vikuskifti, verða tit biðin um at lata vindeygað aftur, sløkkja ljós og skrúva niður fyri hitanum. Kamarið, eins og klædnaskápið í forrúminum, skal vera læst, tá farið verður út. Eisini skal ytra hurðin út á høvuðsgongina læsast.
Reingerð
Tey, ið búgva á heiminum, skulu halda kamar, gongd, wc og brúsurúm reint. Starvsfólk á Skúlaheiminum hava eftirlit við reingerðini og kunnu átala, um reingerðin ikki er nøktandi. Tað er ikki gjørligt hjá búfólkum at vaska klæðir á Skúlaheiminum.
Flyting
Tá leigarar flyta út, skal kamarið síggja út, sum tá flutt var inn. Um kamarið ikki er nøktandi reingjørt ella ikki er í sama standi, verður hetta gjørt fyri leigarans rokning og depositum verður ikki endurgoldið.
Tónleikur
Tey, ið búgva á heiminum, kunnu hava tónleikaútgerð ella ljóðføri við á heimið, um hesi verða nýtt á ein slíkan hátt, at tey ikki órógva onnur. Tað er tí eitt gott hugskot at hava oyratelefonir við.
Húsfriður
Tey, ið búgva á heiminum, eru vælkomin at hava vitjandi við sær inn á heimið. Somu atferðarreglur eru galdandi fyri tann vitjandi, sum fyri tann búgvandi. Vitjandi skulu fara av heiminum áðrenn kl. 23:00.
Rúsdrekka og royking
Alt Skúlaheimið er rús- og roykfrítt umhvørvi. Roykt verður uttandura. Reglurnar eru ikki fyri at avmarka hvønn einstakan, men at skapa pláss fyri øllum.
Lærugreinar
