Hvat er lesi- og skrivitøkni?

Lesi- og skrivitøkni kann hjálpa og stuðla tær, ið hevur dysleksi ella aðrar lesi- ella skrivitrupulleikar. Hetta kann vera við til at lætta um lesing, skriving og staving í gerandisdegnum – bæði í skúla, arbeiði og frítið.  

Tað finnast mong ymisk amboð til bæði teldur, teldlar og smartphones. Tey kunnu heintast sum forrit og leggjast inn á talgildu eindirnar ella brúkast sum online tænasta. 

Við lesi- og skrivitøkni fært tú millum annað upplestur av teksti, hjálp til at stava, stuðul til koma í gongd við at skriva tekst, at skipa tekst osfr. Eisini ber til at tosa tekstin inn við funktiónini “tala-til-tekst”, so talan verður skrivað sum talgildur tekstur. 

Sum næmingur á Glasi kanst tú heinta føroysku útgávuna av forritunum IntoWords, sum er gjørt til bæði Windows, Mac, Cloud (online), IOS og Android og CD-ORÐ til Windows.

Vend tær til okkum á Lesi- og skrivitænastuni fyri nærri kunning og góð ráð um møguleikar og brúk av lesi- og skrivitøkni til júst tín tørv.