Miðnámsrit 20

Um blaðið:

Karakterstigar eru lutfalsliga nýggir í søguligum samanhangi. Teir komu fram um 1800 sum avleiðing av ídnaðarkollveltingini og eini vaksandi bureaukratisering í útbúgvingum. Men tað var ikki við læring fyri eyga, at karakterstigar vórðu uppfunnir. Í aðrari grein spyrja vit, hví miðnámsskúlar hava sokallaðar karakterfundir, sum tíðin er farin frá.

Vísindaástøði er partur í lærugreinini lestrarmenning á miðnámi. Endamálið er at fyri­reika næmingarnar til víðari útbúgving. Spurningurin er, hvussu umfatandi vísindaástøði á miðnámi skal vera.

Átakið Føroyar lesa skal stimbra lesihugin hjá teimum ungu, sum lesa lítið. Átakið stendur í andsøgn við námsætlanir í máli, sum siga, at næmingar skulu lesa minni, enn fyrr varð kravt, og eftirspurningur eftir føroyskum bókum er nógv minkaður. Sum ongantíð fyrr eru bókasøvn á miðnámi neyðug í talgilda meldrinum.

Skúlanet verður nýggjur KT-felagsskapur, ið fer at hava alt KT-økið í føroyskum skúlum um hendur. Við hesum er vandi fyri, at tað, sum einstakir skúlar hava bygt upp innan KT, verður brotið niður. Og eisini verður hetta dýrt fyri samfelagið.

Blaðstjórn: Olav Absalonsen og Tórður Johannesarson

Innihaldsyvirlit:

Hví hava vit karakterstigar? Olav Absalonsen.

Karakterfundir eru frá eini farnari tíð, Tórður Johannesarson.

Vísindaástøði fyri 1s – ein áhugaverd innleiðsla til miðnám? Christian Ihlen.

Næmingar lesa minni enn nakrantíð, Tórður Johannesarson.

Bókasavnið á Glasi, Tórður Johannesarson.

Skúlanet – ein KT-loysn? Tórður Johannesarson.

FabLab á Kambsdali, Jóannes Djurhuus.

Persónupplýsingar og dátuvernd – ein innleiðsla til dátuverndarrættin, John N. Olsen.

Tak niður sum PDF